حوادث الطرق هى الكابوس اللى بيعايشه كتير مننا وهو صاحي منها اللى بيحصل بسبب تكدس مروري ومنها بسبب إصلاحات الطرق ومنها اللي بسبب العصبية والغفلة اللى بتصيب الشخص وهو سايق عربيته.

إحنا فريق من هندسة القاهرة هنكلمكم النهارده عن مشروعنا
Reducing Road Accidents Using chatbot technology
وهنعرفكم إزاي قدرنا نتغلب على حوادث الطرق اللى بتحصل بسبب المود السيء وكذلك الغفلة أو النوم وإحنا سايقين

مشروعنا بيتقسم لمرحلتين أساسسيتين:
📌 أول مرحلة هي الـdetection لمشكله الـdrowsiness ولو السيستم اكتشف إنه drowsy بيعمل alarm ينبهك و كمان ال bad mood وده طريق facial expression recognition + text classification علشان نعمل multimodal sentiment analysis وبكده بنقدر ناخد قرار إنه فى حاله سيئة و ممكن يعمل حادثة عن طريق الكلام اللى بيقوله + تعبيرات وجهه لإن معنى الكلام بيكمن في تعبيرات الوجه.


📌تانى مرحلة هى الـenhancement واللى بتتقسم ل3 خطوات:
☝أول خطوة عن طريق voice bot بيبدأ يتكلم معاك ويحاول يحسن من حالتك المزاجية
وبعد فترة من الوقت بنبدأ نعمل classification للمحادثة بينك وبين البوت ونشوف هل حالتك اتحسنت ولا لأ وهنا هيبدأ يديلك alarm إنك فى خطر و مينفعش تسوق ولا حياتك وحياة اللى حواليك فى خطر!

✌تانى خطوة بنقدمها فى مرحله الـenhancement هى إنه بيعرض عليك لو حابب تسمع أغنيه معينة تحسن مودك بتقوله اسمها والسيستم ينزلها و يحللها علشان يشوف هل هى مناسبة للسواقه ولا لا بناءاً على تحليل الـtempo بتاعها..
👌وآخر أوبشن بيقدمه السيستم فى مرحله الـenhancement هى النكت كمان لو حبيت تسمع نكتة batot صديقك موجود يعني😅


مشوارنا مكانش سهل أبداً وقابلنا مشاكل كتير زي:
1- إن كمية الداتا كبيرة ومحتاجه GPUs سريع
2- تحويل الكلام لنص مقروء والعكس كان صعب جداً فى حالة الكلام العربي وللأسف مقدرناش نستخدم العامية المصرية
3- برضه كان مستحيل نلاقى داتا empathetic مصرية
4- الـMusic libraries مكانتش بالدقة الكافية
5- مكانش متوفر نكت عربي حلوة تحسن مود المستخدم


أما بالنسبه للأبطال الخارقين أعضاء الفريق هما:👏
١- مارينا ماهر
٢- فاطمة محمد
٣- إسراء خالد
٤- شيماء جمال


اللى برغم كل ده قدروا يوصلوا للـproduct النهائي واللى نتمنى أنه يكون خطوة تساعد فى منع حوادث الطرق
لو عجبتك فكرتنا وحابب تساهم معانا فى تقليل حوادث الطرق تقدر تدعمنا ب like و share و subscribe وهنستنى رأيكم فى الـcomments🎉😍