أهلًا بحضراتكم❤️
إحنا تيم من هندسة طبية جامعة المنصورة.
ويسرنا ويشرفنا إننا نعرض عليكم مشروعنا، وفكرتنا✨

واسم مشروعنا هو:
My Relief:
(Implement a Pain-Relieving device Using Transcutaneous Electrical Nerve Stimulation “TENS”).

طب إيه المشكله اللي بيحلها مشروعنا او هو بيعمل إيه؟! 🤔

يعتبر الألم واحد من أقدم المشاكل اللي واجهها الإنسان؛ وده لإنه بيأثر على حياة الإنسان جسديًا و نفسيًا، وعلى مر القرون استمر الإنسان في إنه يدور على طرق علاج واستراتيجيات مختلفة عشان يخفف الألم بطريقة تكون آمنة وفعالة.

الهدف من مشروع MyRelief هو عمل جهاز مسكن للألم، بيشتغل بمبدأ "التحفيز الكهربي للأعصاب عن طريق الجلد" (TENS) الي تعتبر واحده من طرق تسكين الألم الفعالة والآمنة.

طب إيه فكرة عمل الجهاز؟ 🤔

فكرة عمل جهازنا انه بيشتغل باستخدام microcontroller بيكون مصدر للنبضات الكهربائية الي هتخرج من خلال الكترود توضع على الجلد على المنطقة المصابة بالألم، و من خلال الإشارة الكهربائية دي بيتم منع مسارات انتقال إشارة الألم الى الدماغ و بيتم تحفيز الجسم على إنتاج هرمون الإندورفين عشان يخفف الألم.
وده عشان يساعد الشخص اللي بيعاني من الألم الحاد، أو المزمن.
أو الأشخاص اللي بيواجهوا مشاكل مع استخدام مسكنات الألم الكيميائية التقليدية وكمان يضع حد للاستخدام العشوائي لمسكنات الالم التقليدية بسبب أثارها الجانبية المختلفة باعتباره حل بديل.

طب ازاي المريض او المستخدم يقدر يستعمل الجهاز؟ 🤔

طريقة التحكم في الجهاز بتم عن طريق ابليكشن بيشتغل على الهواتف الذكية لسهولة الاستخدام، و من خلال الابلكيشن المستخدم بيقدر يختار الجزء المصاب بالالم، ويختار قيم الاشارة المناسبة طبقا لشدة الالم الي بيحس بيها.

المشروع بتاعنا استخدمنا في العديد من التكنولوجيا المختلفة زي برمجة ال microcontroller بلغة C وبرمجة ابلكيشن cross platform باستخدام flutter ولغة dart و تصميم الهاردوير وعمل دايرة PCB و تصميم الشكل الخارجي باستخدام fusion360 وطباعته باستخدام تقنية الطباعة ثلاثية الابعاد.

بفضل الله مشروعنا فاز بجائزة معرض المشاريع الطلابية في كلية الهندسة جامعة المنصورة وبنسعى لتنفيذ فكرة المشروع ويكون اول منتج من نوعه بصناعة محلية. ♥️

فريق العمل:
١- إسراء المرسي
٢- حنان احمد
٣- حسين رمضان
٤- ريم الشيخ
٥- محمد العجوري
٦- مريم الحلواني
٧- يوسف رضا
٨- عبدالله ابوالخير

أتمنى يكون مشروعنا عجبكم❤️
وأتمنى تدعمونا و تصوتوا لينا عن طريق الlike👍، و الcomments💬، و الshare🔄
و شكرًا جدًا على وقتكم❤️

#طبيةمعاكطول_الطريق
#فكرتكقاربنجاة
#مشروعمننور
#BEAT
#Vetcode
#B_E_F
#Biomedical_Engineering_Fair