النهاردة و بعد عمل تحديثات كلية في البلات فورم انا عاوز اوضح بعض النقط إللى ممكن تجعل فهم الوظائف يسير
١‐ البلات فورم مش مجرد مناصة teleradiology و لكن أوسع من كدة نقدر نعتبرها شبكة لتبادل الأشعة الطبية بين كل الكيانات الطبية الدكتور و المراكز و المستشفيات
و خليني ادى كذا مثال لتوضيح الخاصية دى
في بعض المحافظات او حتى القرى انا فوجئت بعدم وجود اجهزة CT او MRI اصلا و بالتالى المريض بيضطر ينزل او يسافر لأقرب مكان فيه الجهاز . و الطبيعي انوا يرجع للمركز كمان ٤ او ٥ ايام من المدينة بتعتوا للمركز عشان ياخد النتائج و يرجع بيها للدكتور المعالج عشان يحدد العلاج لكن لو لغينا كل المشاوير دى و بقي المشوار الواحيد هو ذهاب المريض لمركز الأشعة لعمل التصوير بعد كدة يتم ارسال الأشعة للدكتور و المريض في نفس الوقت الدكتور شاف الأشعة كتب العلاج و بعتوا للمريض في رسالة على الموبايل بقيت العملية ديجيتال إلى حد كبير جدا
طيب الدكتور شاف ان المريض محتاج عمل عملية حيبعت علي المستشفى إللى بتحدد اليوم و الوقت و تبلغ بيه الدكتور و المريض.تم تطوير المناصة عشان تقوم بالدور ده كامل .
-- لنفرض مثلا دكتور قلب بس عاوز قبل القيام بالعملية ياخد رأى كذا دكتور تانى في كذا تخصص صدر مثلا حيشير الاشعة لأخذ الرأى
-- الشبكة دى كدة شغالة عالميا يعنى ممكن دكتور في مصر مثلا بيحجز في مستشفى في لندن او ياخد رأى دكتور فى فرنسا و الشبكة شغالة بالكامل. كل دة اعتمادا على UI سهل و بسيط فيه account لكل دكتور و فولدر لكل مريض بيحتوي على الداتا الخاصة بيه ..
لو في اسالة يرجى التواصل علي الخاص او الموبايل و ممكن ارد على الكومنت في اي وقت