6 years ago
التقنيات المتطورة في طب الأسنان بقت في كل المجالات من أول الأشعة الديجيتال وصولا إلى الكاد كام و الليزر و حتى أجهزة حقن البنج الموضعي.
⚡️⚡️⚡️⚡️
بعض الأمثلة للي جربو الأجهزة الحديثة. من الدكاترة مستخدمي الميكروسوب قالوا إن من أهم الفوائد عمل حشوات كمبوزيت عالية الدقة, تحضير كراون و بريدج
باحترافية و جراحات ليزر دقيقة. لما يحس المريض بوجود التقنية المتطورة بيرتبط بالمكان و تنتشر الكلمة و يبقى الجهاز نفسه أداة دعائية للطبيب.
⚡️⚡️⚡️⚡️
الدكاترة اللي بتستخدم الليزر في جراحاتهم قالوا إن المرضى بتحس بالفرق و الراحة المرتبطة بعدم وجود نزيف و خياطة بعد جراحات الليزر.
⚡️⚡️⚡️⚡️
الاستثمار في جهاز أشعة بانوراما 3D داخل العيادة بيخلى الدكتور يشخص في نفس الزيارة و يريح المريض و كمان يدفع الأقساط من التصوير الدوري للحالات و
يكسب من إدخال خدمات جديدة زي التخطيط لعمل زرعات الأسنان.
⚡️⚡️⚡️⚡️
الاستثمار في أجهزة الكادكام : من أكتر الحاجات اللي بتضغط على طبيب الأسنان نفسيا إعادة المقاسات الخاصة بالكراون و البريدج عشان التفاصيا تبقى واضحة للمعمل
لكن مع أجهزة الكاد كام كله بيبقى مظبوط و مبنحتجش تعديلات كتير وقت التسليم للمريض.
⚡️⚡️⚡️⚡️
السوفت وير : أحد أهم الحاجات في التعامل مع المريض هي الثقة و الإقناع. لازم يعرف عنده إيه و فاضل إيه و نظام عليه كل الحسابات و الأشعة يقدر يطلع عليه بسهولة
و تقدر تستخدم مخطط الأسنان ال 3D عشان تشرح عملنا ايه و فاضل ايه ناهيك عن التنظيم و الفوايد التانية الكتير.
⚡️⚡️⚡️⚡️
دايما هتلاقي فى فى دماغك حاجة جديدة عايزها تقدر ترجع للأسئلة اللي هتسهل عليك اتخاذ القرار..
مجملا لازم نسأل نفسنا شوية أسئلة قبل ما نجيب حاجة جديدة:
⚡️⚡️⚡️⚡️
- أنا ليه محتاج المنتج أو التقنية دي؟
- إيه هو العلم و الدليل ورا المنتج ده؟
- ايه عيوب المنتج ده و هل ممكن أتخطاها؟
- هل المنتج هيساعدني أشتغل أحسن؟
- هل المنتج هيخليني أستغنى عن حاجات تانية عشان أدفع لاستخدامه؟
- هل في دعم و تدريب للمنتج؟
- هل المصنع معروف و موثوق فيه؟
- هل عندي الوقت للتدريب على التقنية الجديدة؟
لو عجبك لايك و شير
